വളരെ വിശാലമായിരുന്നു ചൊവ്വല്ലൂരിൻ്റെ സൗഹൃദ വലയം. സാഹിത്യകാരന്മാർ, കവികൾ, സംഗീതജ്ഞർ, പലതരത്തിലും തലത്തിലുമുള്ള കലാകാരന്മാർ, വാദ്യക്കാർ, മേളക്കാർ, കലാമണ്ഡലത്തിലെ കലാകാരന്മാർ, രാഷ്ട്രീയ പ്രവർത്തകർ ..എന്നിങ്ങനെ ചൊവ്വല്ലൂർ നെഞ്ചോട് ചേർത്തുനിർത്തിയവർ ഏറെയാണ്.
തിരുവെങ്കിടം ചന്ദ്രേട്ടൻ, നാരായണാലയത്തിലെ എ. വേണു ഗോപാലൻ, കൊളാടി ഗോവിന്ദൻ കുട്ടി, പി.ടി മോഹന കൃഷ്ണൻ, ഗുരുവായൂർ ദേവസ്വത്തിലെ മുൻ ഡപ്യൂട്ടി അഡ്മിനിസ്ടേറ്റർ കെ.പി.കരുണാകരൻ, ജയശ്രീയിലെ എളയിടം ശങ്കരൻ നമ്പൂതിരി, ഗുരുസ്വാമി, എം.ഉണ്ണികൃഷ്ണൻ (കുന്നംകുളം) കലാമണ്ഡലം ഗോപിയാശാൻ , കലാമണ്ഡലം ഗീതാനന്ദൻ, പി. ലക്ഷ്മണ പൈ (സബുഡു), പി.വി. ശേഖരൻ കുട്ടി, സീതാറാം സ്വാമി തുടങ്ങി ഏറെപ്പേരുണ്ട് ആദ്യകാലം മുതൽക്കേ ഈ സൗഹൃദക്കൂട്ടത്തിൽ.
ഗുരുസ്ഥാനീയരായ ഒരുപാടുപേരോട് എന്നും ബഹുമാനവും സ്നേഹവും കാത്തുസൂക്ഷിച്ചിരുന്നു ചൊവ്വല്ലൂർ. മലയാള മനോരമയിലെ കെ ആർ ചുമ്മാർ, ടി.കെ.ജി.നായർ, അക്കിത്തം, പി.സി കുട്ടികൃഷ്ണൻ (ഉറൂബ്), പ്രേംജി, എം.ആർ.ബി, കോവിലൻ, വി.കെ.എൻ, എം.ടി വാസുദേവൻ നായർ, എൻ വി കൃഷ്ണവാരിയർ, തിക്കോടിയൻ, വി.ദക്ഷിണാമൂർത്തി സ്വാമി, കെ.രാഘവൻ മാഷ് , എം.കെ അർജുനൻ മാഷ്, വിദ്യാധരൻ മാഷ്, കാവാലം നാരായണ പണിക്കർ തുടങ്ങിയവരോടുള്ള അടുപ്പം എന്നും അദ്ദേഹം അഭിമാനമായി കൊണ്ടുനടന്നു.
മൂന്ന് ദശാബ്ദത്തിലേറെക്കാലം ജോലി ചെയ്ത മലയാള മനോരമ കുടുംബത്തിലെ ഓരോ വ്യക്തികളുമായും, പ്രത്യേകിച്ച് കെ എം മാത്യു സാർ, മാമൻ മാത്യു സാർ, ഫിലിപ്പ് മാത്യു സാർ, ജേക്കബ് മാത്യു സാർ എന്നിവരുടെ കുടുംബങ്ങളുമായും, വളരെയധികം സ്നേഹബന്ധം പുലർത്തിയിരുന്നു ചൊവ്വല്ലൂർ, അകമഴിഞ്ഞ കടപ്പാടും. മനോരമയിലെ സഹപ്രവർത്തകർ തോമസ് ജേക്കബ്, കെ അബുബക്കർ, കടവനാട് കുട്ടിക്കൃഷ്ണൻ, പി.പി.മാത്യു, മാത്യൂസ് വർഗ്ഗീസ്, എം അരവിന്ദാക്ഷൻ, കെ അരവിന്ദൻ, കെ. ജെ ജെയിംസ്, ടി നാരായണൻ, പി ദാമോദരൻ, മാത്യു മണിമല, ജോയ് ശാസ്താംപടിക്കൽ, പി അരവിന്ദാക്ഷൻ ഇങ്ങനെ ഒട്ടേറെ സുഹൃത്തുക്കളുമായും അവരുടെ കുടുംബങ്ങളുമായും ചൊവ്വല്ലൂരിനും ചൊവ്വല്ലൂരിന്റെ കുടുംബത്തിനും വർഷങ്ങളായി വളരെ അടുപ്പം ഉണ്ട്.
രാമു കാര്യാട്ട്, ശോഭന പരമേശ്വരൻ നായർ, മധു, ഹരിഹരൻ ,കെ.പി.എസി ലളിത, ഇന്നസന്റ്, സത്യൻ അന്തിക്കാട്, പി.ചന്ദ്രകുമാർ, നെടുമുടി വേണു, ഇന്നസെന്റ്, കെ എൽ മോഹനവർമ്മ, സി രാധാകൃഷ്ണൻ, കെ ജെ യേശുദാസ്, കെ. സുജാത, കെ.എസ് ചിത്ര, പി.ലീല, പി.ജയചന്ദ്രൻ, ടി.എസ് രാധാകൃഷ്ണൻ, എം.ജയചന്ദ്രൻ, കാവാലം ശ്രീകുമാർ, രാധിക തിലക്, മധു ബാലകൃഷ്ണൻ , ബിജു നാരായണൻ, ജി.വേണുഗോപാൽ, ജയശ്രീ രാജീവ്, സിന്ധു പ്രേംകുമാർ, കോട്ടയ്ക്കൽ മധു തുടങ്ങി ഇതര മേഖലയിലെ പ്രഗൽഭരുമായും മറ്റു കലാരംഗങ്ങളിലുള്ളവരുമായും വലിയ ആത്മബന്ധമുണ്ടായിരുന്നു ചൊവ്വല്ലൂരിന്.
വാദ്യരംഗത്തെ പ്രഗൽഭരായ പല്ലാവൂർ സഹോദരൻമാർ, കടവല്ലൂർ അരവിന്ദാക്ഷൻ, എടപ്പാൾ അപ്പുണ്ണി, തൃത്താല കേശവപ്പൊതുവാൾ, മട്ടന്നൂർ ശങ്കരൻകുട്ടി മാരാർ, കല്ലേകുളങ്ങരെ അച്ചുതൻകുട്ടി മാരാർ, പെരുവനം കുട്ടൻ മാരാർ, കല്ലൂർ രാമൻകുട്ടി മാരാർ തുടങ്ങി അനേകം പേർ ചൊവ്വല്ലൂരിന് സ്വന്തമായിരുന്നു.
കോട്ടയ്ക്കൽ ആര്യ വൈദ്യശാലയിലെ മാനേജിംഗ് ട്രസ്റ്റി കുട്ടിമ്മാൻ (പി.കെ.വാരിയർ) ഉൾപ്പെടെ കൈലാസ മന്ദിരത്തിലെ എല്ലാവരുമായി ചൊവ്വല്ലൂർ വളരെ അടുപ്പത്തിലായിരുന്നു. സ്വന്തം തറവാട്ടിൽ വരുന്ന പ്രതീതിയാണ് കൈലാസ മന്ദിരത്തിലെത്തിയാലെന്ന് പറയുമായിരുന്നു ചൊവ്വല്ലൂർ. കോയമ്പത്തൂർ ആര്യ വൈദ്യ ഫാർമസി യുമായും മധുര ആര്യ വൈദ്യാലയവുമായും അദ്ദേഹത്തിന് വളരെ അടുത്ത ബന്ധമായിരുന്നു.
ഗുരുവായൂർ ദേവസ്വത്തിലെ തന്ത്രി കുടുംബം, ഓതിയ്ക്കൻ കുടുംബം, കീഴ്ശാന്തി കുടുംബം, പത്തു പ്രവൃത്തിക്കാർ ഉൾപ്പടെയുള്ള മറ്റു പാരമ്പര്യ അവകാശ കുടുംബക്കാരുമായും കൂടാതെ ദേവസ്വത്തിലെ വിവിധ തലത്തിലെ ഉദ്യോഗസ്ഥരുമായും സ്നേഹവും സൗഹൃദവും പുലർത്തുവാൻ എന്നും ചൊവ്വല്ലുർ പ്രത്യേകം ശ്രദ്ധിച്ചിരുന്നു.
ചൊവ്വല്ലൂർ തേവരും ഗുരുവായൂരപ്പനും കഴിഞ്ഞാൽ അദ്ദേഹം നിറഞ്ഞ ഭക്തിപുരസ്സരത്തോടെ ഹൃദയത്തിൽ ചേർത്തു വച്ചത് ഗുരുവായൂർ നാരായണാലയത്തിലെ തിരുനാമാചാര്യൻ ആഞ്ഞം മാധവൻ നമ്പൂതിരിയെയാണ്. ആഞ്ഞം കൃഷ്ണൻ നമ്പൂതിരിയുമായും നാരായണാലയം അന്തേവാസികളുമായും ഏറെ അടുപ്പം പുലർത്തിയിരുന്നു. നാരായണാലയത്തിലെ ഏതൊരു കാര്യത്തിനും ആദ്യവസാനം ശ്രമിക്കാൻ കൃഷ്ണൻകുട്ടി വേണമെന്ന് ആഞ്ഞം തിരുമേനിയ്ക്ക് പ്രത്യേക താൽപര്യമുണ്ടായിരുന്നു പിന്നീട് നാരായണാലയത്തിന്റെ ആചാര്യ സ്ഥാനത്തുവന്ന തിരുനാമാചാര്യന്റെ ശിഷ്യൻ കൂടിയായ നല്ലേപ്പള്ളി സൻമയാനന്ദ സ്വാമിയുമായും അടുത്ത ബന്ധം സൂക്ഷിച്ചിരുന്നു ചൊവ്വല്ലൂർ.
